- वि.सं २o७८ असार १३ आइतबार
विराटनगरस्थित बाल सुधारगृह भवनको तीनतला माथिबाट हाम फालेर शनिबार बिहान फरार भएका चारजना आरोपीलाई प्रहरीले पक्राउ गरेको छ । विराटनगर– ३ कञ्चनबारीस्थित बाल सुधारगृहको भवनबाट शनिबार बिहान हाम फालेर फरार भएका चारैजना बालकलाई प्रहरीले आइतबार बिहानसम्ममा पक्राउ गरेको हो ।
प्रहरीले फरार भएका एकजनालाई शनिवारै पक्राउ गर्न सफल भएको थियो भने बाँकीलाई आइतबार विराटनगरमै लुकेर बसेको अवस्थामा नियन्त्रणमा लिन सफल भएको हो ।
हाम फाल्ने क्रममा उनीहरू समान्य घाइते भएकोले उनीहरू सबैको कोसी अस्पतालमा उपचार भइरहेको प्रहरीले जनाएको छ ।
खरखजाना र करणीका आरोपी संखुवासभा, झापा र उदयपुर घर भएका आरोपीहरूलाई सुधारगृहमा राखिएको छ । सुधारगृहमा होचो पर्खालको फाइदा उठाउदै कैद सजाय पाएका र पुर्पक्षमा रहेका बालकहरू भाग्ने गरेका छन् ।
