- वि.सं २o७८ बैशाख २६ आइतबार
कोरोना संक्रमणका कारण पोखरामा थप ११ जनाको निधन भएको छ । संक्रमणपछि उपचारका लागि अस्पताल भर्ना भएका उनीहरूको पोखराका विभिन्न अस्पतालमा उपचारको क्रममा मृत्यु भएको गण्डकी प्रदेश स्वास्थ्य निर्देशनालय पोखराले जनाएको छ ।
मृत्यु भएकामध्ये कास्कीको पोखरा महानगरपालिकाका ६, स्याङ्जाका दुई, पर्वत, म्याग्दी र रुपन्देहीका एक–एकजना रहेका निर्देशनालयका निर्देशक विनोदबिन्दु शर्माले जानकारी दिए ।
थपिएका मृतकसँगै कोरोनाका कारण गण्डकी प्रदेशमा मृत्यु हुनेको संख्या दुई सय ६२ पुगेको छ ।
