- वि.सं २o७८ बैशाख १८ शनिबार
सल्यान कोरोना संक्रमित रोल्पाकी एक महिलाको जिल्ला अस्पताल सल्यानमा ज्यान गएको छ । रोल्पाको गंगादेव गाउँपालिका ३ निवासी ४८ वर्षीया एक महिलाको शनिबार बिहान जिल्ला अस्पताल सल्यानमा ज्यान गएको हो ।
उनलाई शनिबार बिहान मात्रै जिल्ला अस्पताल सल्यान ल्याइएको थियो । तीन दिनदेखि बिरामी रहेकी महिलालाई बागचौरमा रहेको एक निजी पोलिक्लिनिकमा उपचार हुन नसकेपछि जिल्ला अस्पताल रिफर गरिएको थियो ।
अक्सिजन दिइरहेको भए पनि उनको शरीरमा अक्सिजनको मात्रा कम रहेको अस्पतालले जनाएको छ ।
