- वि.सं २०८१ बैशाख ८ शनिबार
नेपाल–भारत उद्योग वाणिज्य संघका उपाध्यक्ष सुनिल केसी नेपाल उद्योग वाणिज्य महासंघको अन्तर्राष्ट्रिय प्रवद्र्धन समितिमा सल्लाहकार मनोनीत भएका छन् । महासंघ अध्यक्ष शेखर गोल्छाले केसीलाई सल्लाहकार मनोनीत गरेका हुन् ।
युवा व्यवसायी केसी नेपाल–भारत सम्बन्धलगायत अन्तर्राष्ट्रिय कूटनीतिक सम्बन्धका जानकार मान्छिन् । उनले केही दशकयता आर्थिक कूटनीतिको क्षेत्रमा कार्य गर्दै आएका छन् । केसी एशियन इन्स्टिच्युट अफ डिप्लोमेसी एन्ड इन्टरनेसनल अफेयर्स (आइडा)मा संस्थापक प्रमुख छन् ।
उनले नेपालमा सम्पन्न ‘लगानी सम्मेलन’ तथा नेपाल उद्योग परिसंघको ‘पूर्वाधार सम्मेलन’ आयोजना गर्न पनि भूमिका निर्वाह गरेको नेपाल–भारत उद्योग वाणिज्य संघले जनाएको छ । ‘अन्तर्राष्ट्रिय लगानी प्रवद्र्धन समितिका सदस्यहरूको सुझबुझपूर्ण प्रयासहरूमा यस नेपाल–भारत उद्योग वाणिज्य संघको साथ रहने विश्वास दिलाउँदै सफल कार्यकालका लागि शुभकामना गर्दछौँ,’ संघका निर्देशक केशवमान सिंहद्वारा जारी विज्ञप्तिमा भनिएको छ ।
