- वि.सं २०८१ बैशाख १४ शुक्रबार
सेवाग्राहीसँग डेढ लाख घुस लिएको आरोपमा आन्तरिक राजस्व कार्यालयका कर अधिकृतसहित दुईजना पक्राउ परेका छन् ।
धनुषास्थित आन्तरिक राजस्व कार्यालय जनकपुरधामका कर अधिकृत रमेश ढकाल र आरएन म्यानेजमेन्ट अकाउन्ट कन्सल्टेन्सीका सञ्चालक नवीनकुमार कर्णलाई अख्तियार दुरुपयोग अनुसन्धान आयोगले पक्राउ गरेको हो ।
अख्तियारका प्रवक्ता नारायणप्रसाद रिसालका अनुसार ढकालले अन्तःशुल्क समायोजन गरिदिने भन्दै सेवाग्राहीसँग घुस मागेका थिए । कर्णले घुस रकम बुझेका थिए।
कर्ण धनुषास्थित अन्नपूर्ण होटेल एन्ड गेस्ट हाउसबाट र ढकाल नेपाल स्काउटको कार्यालय अगाडिबाट पक्राउ परेको अख्तियारले जानकारी दिएको छ।
