कर्णालीमा प्रचण्ड–नेपाल समूहले गरेको आमहडतालको पूर्ण रूपमा प्रभाव परेको छ । आमहडतालका कारण कर्णालीको राजधानी वीरेन्द्रनगरलगायतका १० वटै जिल्लाका बजार क्षेत्र बन्द छन् ।
लामो तथा छोटो दूरीका सवारीसाधन चल्न सकेका छैनन् । यातायातका साधन नचल्दा लामो तथा छोटो दूरीमा यात्रा गर्ने यात्रुहरूले सास्ती व्यहाेर्नुपरेको छ ।
बन्दकर्ताहरू बजारमा छिटफुट रूपमा देखिए पनि बाक्लो मात्रामा सुरक्षाकर्मीहरू चोकचोक तैनाथ भएका छन् ।