नेपालमा गएको २४ घन्टामा पाँच सय ५४ कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार नेपालमा हालसम्म संक्रमित हुनेको संख्या दुई लाख ६४ हजार एक सय ५९ पुगेको छ । 

त्यस्तै २४ घन्टामा पाँच सय ८५ जना कोरोना संक्रमणबाट मुक्त भएका छन् । योसँगै निको हुनेको संख्या दुई लाख ५७ हजार दुई सय २९ पुगेको मन्त्रालयले जनाएको छ । अहिले देशभरि सक्रिय संक्रमितको संख्या हालसम्म पाँच हजार २१ रहेको छ । 

मन्त्रालयका अनुसार पछिल्लो २४ घन्टामा कोरोना संक्रमणबाट थप ६ को निधन भएको छ। हालसम्म संक्रमणबाट निधन हुनेको संख्या एक हजार नौ सय नौ पुगेको छ ।