उद्धारका लागि दुवैजनाले आफ्नै खर्चमा हेलिकोप्टर चार्टर गरेका हुन्
हिमाली जिल्ला डोल्पाबाट दुईजना कोरोना संक्रमित बिरामीको हेलिकाेप्टरबाट उद्धार गरिएको छ ।
ठूलीभेरी नगरपालिकाका ६० वर्षीय एक वडाध्यक्ष र सदरमुकाम दुनैस्थित सरस्वती माध्यमिक विद्यालयमा कार्यरत ५४ वर्षीय शिक्षकको कैलाश एयरको हेलिकाेप्टरबाट उद्धार गरिएको हो ।
दुवैजना संक्रमितको अवस्था गम्भीर रहेकाले हेलिकाेप्टरबाट उद्धार गरी काठमाडौं लगिएको प्रमुख जिल्ला अधिकारी माधवप्रसाद ढकालले जानकारी दिए ।
केही दिनअघि मात्र कोरोना रिपोर्ट पोजेटिभ आएका दुवैजनाको स्वास्थ्य अवस्था सामान्य भए पनि बिहीबारदेखि दुवैको अवस्था थप जटिल बनेको प्रजिअ ढकालको भनाइ छ । उद्धारका लागि दुवैजनाले आफ्नो खर्चमा हेलिकोप्टर चार्टर गरेका हुन् ।