मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ माघ ११ आइतबार
  • Sunday, 24 January, 2021
२०७७ मङ्सिर ११ बिहीबार १४:१७:००
कोरोना अपडेट डिजिटल संस्करण

कोराेना संक्रमित कास्की र लमजुङमा एक–एकजनाको निधन

२०७७ मङ्सिर ११ बिहीबार १४:१७:००

कोरोना संक्रमणका कारण कास्की र लमजुङमा गरी थप दुईजनाको निधन भएको छ । 

पोखरा– १३ का ६६ वर्षीय संक्रमितको बुधबार राति ९ बजेर ३० मिनेट जाँदा ज्यान गुमेको गण्डकी प्रदेश स्वास्थ्य निर्देशनालय पोखराले जानकारी दिएको छ ।

निर्देशनालयका अनुसार उनमा यही ७ मंसिरमा कोरोना संक्रमण पुष्टि भएको थियो । उनको मणिपाल शिक्षण अस्पतालमा उपचारको क्रममा ज्यान गुमेको हो । 

त्यसैगरी लमजुङको मध्यनेपाल नगरपालिका ७ का  ८७ वर्षीय संक्रमितको पनि ज्यान गुमेको छ । 

उनको उपचारको क्रममा बिहान दुई बजेर ३० मिनेट जाँदा कास्की सेवा अस्पतालमा ज्यान गुमेको हो । ती वृद्धमा ९ मंसिरमा कोरोना संक्रमण पुष्टि भएको प्रदेश स्वास्थ्य निर्देशनालयले जानकारी दिएको छ ।

योसँगै गण्डकी प्रदेशमा हालसम्म कोरोना संक्रमणका कारण ज्यान गुमाउनेको संख्या एक सय ४४ पुगेको प्रदेश स्वास्थ्य निर्देशनालयका निर्देशक डा. विनोदबिन्दु शर्माले जानकारी दिए ।