Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ मङ्सिर २० शनिबार
  • Saturday, 05 December, 2020
ad
एजेन्सी
२०७७ कार्तिक ७ शुक्रबार १९:१२:००
कोरोना अपडेट डिजिटल संस्करण

विश्वमा संक्रमितको संख्या चार करोड २० लाख नाघ्यो, तीन करोड १२ लाख निको भए 

एजेन्सी
२०७७ कार्तिक ७ शुक्रबार १९:१२:००

विश्वमा कोरोना स‌ंक्रमितको संख्या चार करोड २० लाख नाघेको छ । जोन्स हप्किन्स विश्वविद्यालयले दिएको पछिल्लो अपडेटअनुसार विश्वभरि चार करोड २० लाख ९४ हजार पाँच सय ३५ जना व्यक्ति संक्रमित भएका छन्।

यस संक्रमणको कारण विश्वभरि ११ लाख ४४ हजार ३ सय ६ व्यक्तिको मृत्यु भएको पनि सो विद्यालयले जानकारी दिएको छ ।

यसैबीच विश्वभरि रहेका कुल संक्रमितमध्ये तीन करोड १२ लाख ३५ हजारभन्दा बढी व्यक्ति कोरोना भाइरस मुक्त भएका बताइएको छ । कोरोना भाइरसको कारण सबभन्दा बढी प्रभावित देश संयुक्त राज्य अमेरिकामा ८६ लाख ६४ हजारभन्दा बढी  व्यक्ति संक्रमित रहेका छन् । 

 कोरोना संक्रमणबाट सबैभन्दा धेरै नागरिकको मृत्यु हुने देशमा पनि अमेरिका पर्दछ । उक्त विश्वविद्यालयका अनुसार कोरोना संक्रमणबाट अमेरिकामा दुई लाख २८ हजार चार सय २३ जनाको मृत्यु भएको छ । उक्त विश्वविद्यालयको तथ्यांकअनुसार अमेरिकामा पछिल्ला दिनहरूमा पनि ठूलो संख्यामा संक्रमित थपिने गरेका छन् । 

कोरोना  भाइरस संक्रमणबाट भारत र ब्राजिल दोस्रो र तेस्रो स्थानमा परेको छ । भारतमा ७७ लाख ६३ हजारभन्दा बढी कोरोना भाइरस संक्रमित रहेका छन् भने ब्राजिलमा करिब ५३ लाख ३२ हजार व्यक्ति कोरोना संक्रमित रहेका विश्वविद्यालयले जनाएको छ । रुस चौथो स्थानमा रहेको यहाँ १४ लाख ८० हजार ६ सय ४६ जना संक्रमित रहेका छन् ।

विश्वको तुलनामा संक्रमणमुक्त भएकाहरूको संख्यामा भारत अग्रस्थानमा रहेको छ । भारतमा ६९ लाख ४८ हजार  व्यक्तिलाई कोरोना भाइरस निको भएको छ । विश्व स्वास्थ्य संगठनले गत मार्च ११ कोभिड १९ लाई  ‘विश्व महामारी’को घोषणा गरेको थियो ।