पछिल्लो २४ घन्टामा देशभर तीन हजार ६ सय ३७ जनामा कोरोना संक्रमण पुष्टि भएको छ । २१ संक्रमितको मृत्यु भएको छ । बिहीबार संक्रमण देखिएकामध्ये एक हजार पाँच सय ५२ जना काठमाडौं उपत्यकाका हुन् ।
स्वास्थ्य मन्त्रालयका अनुसार अहिलेसम्म संक्रमणबाट मृत्यु हुनेको संख्या आठ सय १२ पुगेको छ । देशभर सक्रिय संक्रमितको संख्या ४४ हजार आठ सय ७७ पुगेको छ । हाल दुई सय ९० जनाको आइसियू र ७७ जनाको भेन्टिलेटरमा उपचार भइरहेको मन्त्रालयका प्रवक्ता डा. जागेश्वर गौतमले बताए ।