Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ मङ्सिर १५ सोमबार
  • Monday, 30 November, 2020
ad
रासस
२०७७ असोज ३० शुक्रबार १४:१०:००
कोरोना अपडेट डिजिटल संस्करण

प्रदेश १ मा कोरोना : २४ घन्टामा नाैजनाको निधन, ६ सय ५४ मा संक्रमण पुष्टि  

रासस
२०७७ असोज ३० शुक्रबार १४:१०:००

पछिल्लो २४ घन्टामा प्रदेश १ मा कोरोना संक्रमणबाट थप नौजनाको मृत्यु भएको छ । 

मृत्यु हुनेमा सुनसरीका पाँच तथा मोरङ र तेह्रथुमका दुई–दुईजना छन् । योसँगै यो प्रदेशमा हालसम्म कोरोना संक्रमणबाट मृत्यु हुनेको संख्या एक सय २२ पुगेको सामाजिक विकास मन्त्रालयले जनाएको छ । 

मन्त्रालयका अनुसार पछिल्लो २४ घन्टामा प्रदेशमा गरिएको एक हजार ६ सय ४६ जनाको पिसिआर परीक्षणमा दुई सय ४१ महिला र चार सय १३ पुरुष गरी कुल ६ सय ५४ जनामा कोरोना संक्रमण पुष्टि भएको छ । 

आज कोरोना संक्रमण पुष्टि हुनेमा मोरङको विराटनगरका दुई सय २५ सहित तीन सय २६, सुनसरीका दुई सय नौ, झापाका ७४, संखुवासभाका नौ, उदयपुरका चार, भोजपुर, तेह्रथुम, इलाम र ताप्लेजुङका दुई–दुईजना तथा प्रदेशबाहिरका २४ जना रहेको मन्त्रालयले जनाएको छ । 

प्रदेशमा हालसम्म कोरोना संक्रमितको संख्या १२ हजार दुई सय ६९ पुगेको छ । प्रदेशमा पछिल्लो २४ घन्टामा तीन सय २६ जना संक्रमित उपचारपछि निको भएर घर फर्केका छन् । 

अहिलेसम्म उपचारपछि निको भएर घर फर्किनेको संख्या पाँच हजार तीन  सय ३९ पुगेको छ । अहिलेसम्म एक लाख ४२ हजार पाँच सय २३ जनाको पिसीआर परीक्षण गरिएको मन्त्रालयले जनाएको छ ।

छुटाउनुभयो की ?