Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ मङ्सिर १७ बुधबार
  • Wednesday, 02 December, 2020
ad
नयाँ पत्रिका काठमाडौं
२०७७ असोज १५ बिहीबार ०५:०१:००
अर्थ प्रिन्ट संस्करण

जापानमा बनेको सुजुकी कार नेपाली बजारमा आउने

नयाँ पत्रिका, काठमाडौं
२०७७ असोज १५ बिहीबार ०५:०१:००

नेपालका लागि सुजुकी कारको आधिकारिक विक्रेता तथा सिजी होल्डिङ्सको अटोमोटिभ डिभिजन सिजी मोटोकर्पले सुजुकी मोटर कर्पोरेसन (एसएमसी) जापानले उत्पादन गरेका सुजुकी कारहरू नेपाली बजारमा ल्याउने भएको छ । हाल नेपालमा मारुती सुजुकी इन्डियाले निर्माण गरेका सुजुकी कारहरू मात्र भित्रिरहेकोमा कम्पनीले जापानमै निर्मित कार ल्याउने भएको हो । 

जापानमा निर्मित कार भित्रिएपछि नेपाली ग्राहकले युरोप र उत्तर अमेरिकालगायतका अन्तर्राष्ट्रिय बजारका लागि बनाइएका सुजुकी कारको आनन्द अनुभव गर्न पाउने कम्पनीले जनाएको छ । सिजी मोटोकर्पले एसएमसी जापानबाट हायर सेग्मेन्टका मात्र कार आयात गर्ने र मारुती सुजुकी इन्डियाको उत्पादन पनि ल्याइरहने जनाएको छ । 

कम्पनीले जारी गरेको विज्ञप्तिमा उल्लेख छ, ‘सुजुकीले नेपाली ग्राहकका लागि सबैभन्दा ठूलो रेन्जको कार उपलब्ध गराउँदै आएको छ । अब हामी सीधै एसएमसी जापानबाट प्रिमियम रेन्जका उत्पादन भित्र्याउने तयारीमा छौँ ।’ यो च्यानलमार्फत नेपाली बजारमा भित्रिने पहिलो कार सुजुकी भिटारा हुने जनाइएको छ ।

भिटारा युरोपेली बजारमा सबैभन्दा बढी बिक्री हुने प्रिमियम एसयुभीमा पर्ने कम्पनीको दाबी छ । यसमा फोर ह्विल सिस्टम, १.६ लिटरको इन्जिन र अन्य अत्याधुनिक फिचर रहने जनाइएको छ । यसकारण यो सेग्मेन्टको ‘ड्राइभिङ एक्सपिरियन्स’लाई नयाँ उचाइमा पुर्‍याउने कम्पनीले विश्वास व्यक्त गरेको छ । २०२१ मार्चसम्ममा आइपुग्ने अपेक्षा गरिएको यसको सुरुवाती मूल्य ७९ लाख ९९ हजार रुपैयाँ हुने जनाइएको छ । 

छुटाउनुभयो की ?