- वि.सं २o८३ भदौ १७ बुधबार
पर्सा जिल्ला अदालतले हवाई इन्धन चोरी आरोपमा पक्राउ परेका ६ जनालाई धरौटीमा छाड्न आदेश गरेको छ। गत साउन २१ मा हवाई इन्धन चोरी गरेको आरोपमा पक्राउ परेका ७ मध्ये ६ जनालाई पर्सा जिल्ला अदालतले धरौटीमा छाड्न आदेश दिएको हो।
पर्सा जिल्ला अदालतका स्रेस्तेदार प्रभाकर मल्लिकका अनुसार चारजनालाई जनही २५ हजार र दुईजनालाई जनही ४५ हजार रुपैयाँ धरौटीमा छाड्न आदेश आएको हो। मंगलबार आएको आदेशमा अदालतले मुख्य अरोपी सुनैन मियाँबाहेक सबैलाई धरौटीमा छाडन आदेश दिएको हो।
अदालतले उमेश रानामगर र मन्दसिंह लामासँग जनही ४५ हजार धरौटी माग गरेको छ। यस्तै, असलम हवारी, रफिक मियाँ, सन्देश रानामगर र केशर राना सुनारसँग जनही २५ र २५ हजार रुपैयाँ धरौटी माग गरिएको मल्लिकले बताए।
