- वि.सं २o८२ भदौ २१ शनिबार
तीन रोपनी भन्दा धेरै सरकारी जग्गा हडपेको भन्दै काठमाडौं उपत्यका विकास प्राधिकरणले लोयल्टी एकेडेमीमा डोजर चलाएको छ । बुढानिलकण्ठ–९ मण्डिखाटारमा प्राधिकरणले शनिबार डोजर चलाएको हो । प्राधिकरणले बिद्यालयको पर्खाल भत्काएको छ ।
पर्खाल भत्काउन गएपछि बिद्यालयका सञ्चालक तथा कर्मचारीले प्राधिकरणका जिल्ला आयुक्त सुभाष बस्नेतमाथि हातपातको प्रयास गरेका थिए। पर्खाल भत्काएपछि बिद्यालयले सडक बन्द गराएको स्थानीयले बताएका छन् ।
बिद्यालयका सञ्चालक प्याब्सनका पूर्वअध्यक्ष विजय साम्बाहाम्फे हुन्। बिद्यालय परिसरमा सरकारी जग्गा नरहेको उनको दाबी छ। प्राधिकरणले भने सरकारी जग्गामा कम्पाउन्ड लगाएर बिद्यालयले पार्किङका रुपमा प्रयोग गर्दै आएको जनाएको छ।
