- वि.सं २o८२ असार २७ शुक्रबार
नेकपा एकीकृत समाजवादी पार्टी र नेकपा एकता राष्ट्रिय अभियानबिच पार्टी एकता गर्ने सहमति भएको छ । एकीकृत समाजवादीका अध्यक्ष माधवकुमार नेपाल र एकता अभियानका संयोजक वामदेव गौतमलगायत नेताहरूबिच भएको छलफलबाट पार्टी एकता गर्ने सहमति भएको हो ।
राजनीतिक दर्शन, सिद्धान्त, कार्यक्रम, रणनीति र कार्यदिशामा एकरूपता रहेकाले नेपालको कम्युनिस्ट आन्दाेलनकाे एकता अपरिहार्य रहेको दुई पार्टीको बुझाइ छ । साउन २ गते राष्ट्रिय सभागृहमा कार्यक्रमको आयोजना गरी एकताको घोषणा गर्ने सहमति भएको शुक्रबार विज्ञप्ति जारी गरी जनाइएको छ ।
