Skip This
कांग्रेसले आगामी साउनदेखि पार्टीको नयाँ सदस्यता वितरण गर्ने भएको छ । क्रियाशील सदस्यता व्यवस्थापन समितिको बुधबार बसेको बैठकले असार मसान्तसम्म क्रियाशील सदस्यता नवीकरणको काम सकेर साउनदेखि नयाँ सदस्यता वितरण सुरु गर्ने निर्णय गरेको हो ।
बैठक महामन्त्री गगन थापाको संयोजकत्वमा पार्टी कार्यालय, सानेपामा बसेको थियो । व्यवस्थापन समितिका सदस्य प्रकाश स्नेहीले बैठकले क्रियाशील सदस्यता नवीकरण र नयाँ सदस्यता वितरणबारे निर्णय गरेको जानकारी दिए ।
उनका अनुसार असार मसान्तसम्म नवीकरण सकेर साउनबाट नयाँ सदस्यता वितरण सुरु हुनेछ । कांग्रेसले अहिले नवीकरण भइरहेका सदस्यहरूको सूचीलाई अनलाइनमा प्रविष्ट गराउने काम गरिरहेको छ ।
