- वि.सं २o८२ बैशाख २५ बिहीबार
नेपाली कांग्रेसका सांसद जीवन परियारले आशा गरेअनुसार नीति तथा कार्यक्रम नआएको बताएका छन्।
बिहीबार प्रतिनिधिसभा बैठकमा बोल्दै परियारले नीति तथा कार्यक्रममा लागू गर्न सकिने कुराहरू समेटिनु सकारात्मक पक्ष भए पनि सरकार बन्दाको आशाअनुसार नभएको बताएका हुन्।
‘...आवश्यकताअनुसार संविधान संशोधन गर्नेलगायतका अत्यन्त्यै महत्त्वपूर्ण विषयमा दुई दलका बिचमा सहमति गरेका थियौँ। यसले एउटा खालको ठुलो आशा हामीलाई जगाएको थियो। तर, कताकता हामीले आशा गरेअनुसार, नीति तथा कार्यक्रममा केही कमजोरी भएको हो कि भन्ने प्रश्न उठेको छ,’ उनले भने।
पूर्वसचिव रामेश्वर खनाल र डिल्लीराज खनालको प्रतिवेदन कार्यान्वयन गर्ने कुरा नीति तथा कार्यक्रममा समेटिए पनि बजेटमा नआए हास्यास्पद हुने उनको भनाइ छ।
