दक्षिण कोरियाली पूर्वराष्ट्रपति युनमाथि अधिकारको दुरुपयोगका लागि अभियोग

दक्षिण कोरियाका पूर्वराष्ट्रपति युन सुक योललाई बिहीबार उनको मार्सल ल घोषणामाथि अधिकारको दुरुपयोगका लागि थुनाविना अभियोग लगाइएको अभियोजकहरूले बताएका छन् । यसले महाभियोग लगाइएका पूर्वराष्ट्रपतिको कानुनी खतरा थप बढाएको छ ।

नयाँ अभियोग त्यसवेला आएको छ जतिवेला युनले आफ्नो डिसेम्बर ३ को मार्सल ल प्रयाससँग विद्रोह गराएको आरोपमा मुद्दा चलिरहेको छ । मार्सल लले प्रजातान्त्रिक दक्षिण कोरियामा नागरिक शासन निलम्बन गर्न खोजेको थियो ।

आदेशअन्तर्गत सशस्त्र सैनिकहरू संसदमा तैनाथ गरिएका थिए, तर विपक्षी सांसदहरूले त्यसलाई छिटो मतदानमार्फत अस्वीकार गरेकाले आदेश मात्र लगभग ६ घण्टा मात्र रह्यो । मतदान गर्न विपक्षी सांसदहरू भवनमा प्रवेश गर्न बार चढेका थिए । पछि उनीहरूले मार्सल ल घोषणाका कारण युनमाथि महाभियोग लगाएका थिए ।

६४ वर्षीय युनलाई अप्रिलमा संवैधानिक अदालतले महाभियोग प्रस्तावलाई समर्थन गर्ने सबै शक्ति र विशेषाधिकारबाट वञ्चित गरेको थियो । उनी चाँडै राष्ट्रपति निवासबाट बाहिर निस्कन बाध्य भए ।

‘विद्रोहको प्रमुख’का रूपमा राष्ट्रपति रहँदा अभियोजकहरूले पहिलोपटक जनवरीमा युनलाई अभियोग लगाएका थिए । उक्त महाअभियोगलाई राष्ट्रपति उन्मुक्तिले समेट्दैन ।

‘हामीले त्यसपछि अधिकारको दुरुपयोगको आरोपमा पूरक अनुसन्धान गर्दै (विद्रोह) मुद्दा अगाडि बढाएका छौँ, जसले यो अतिरिक्त अभियोग निम्त्याएको छ,’ अभियोजकहरूले बिहीबार एक विज्ञप्तिमा भने ।

विद्रोहको अभियोगमा दोषी ठहरिएमा युनलाई आजीवन कारावास वा मृत्युदण्डको सजाय हुन सक्छ । यद्यपि, दक्षिण कोरियाले सन् १९९७ देखि मृत्युदण्डमा अनौपचारिक रोक लगाएको छ ।

युन पदबाट हटाइएका दोस्रो दक्षिण कोरियाली राष्ट्रपति र संसदद्वारा महाभियोग लगाइएका तेस्रो राष्ट्रपति थिए । युन पदबाट बाहिर भएपछि दक्षिण कोरियाले जुन ३ मा आकस्मिक चुनाव गर्ने तयारी गरेको छ । रासस