- वि.सं २o८१ चैत २३ शनिबार
गृह मन्त्रालयले सहसचिव लक्ष्मण ढकाललाई कञ्चनपुरको प्रमुख जिल्ला अधिकारी(सिडिओ)मा खटाएको छ । यसअघिका सिडिओ नारायण प्रसाद सापकोटालाई गृह मन्त्रालयमा सरुवा गर्दै शुक्रबार ढकाललाई कञ्चनपुरको सिडिओ बनाएको हो । उनी गृह मन्त्रालयमा कार्यरत थिए।
सहसचिव ढकाल कञ्चनपुरबासीका लागि परिचित व्यक्ति हुन्। करिब एक दशकअघि उनी कञ्चनपुरमा स्थानीय विकास अधिकारी(एलडिओ)का रुपमा बसेका थिए। त्यतीबेला उनी उपसचिव थिए। एलडिओको जिम्मेबारीमा हुँदा सबै राजनीतिक दल, संघ संस्था एव सरोकारवाला पक्षसंग समन्वय गरेर उनले काम गरेका थिए। सीमावर्ती जिल्ला भएकाले अपराध नियन्त्रणदेखि सेवा प्रवाहमा सुधारसम्मका चुनौती प्रजिअ ढकालमाथि छ।
