- वि.सं २o८१ चैत ४ सोमबार
केएल दुगड ग्रुपका प्रबन्ध निर्देशक तथा नेपाल फ्लोर मिल्स एसोसिएसनका अध्यक्ष कुमुद दुगड भारतमा सम्मानित भएका छन् । रोलर मिल एसोसिएसन अफ इन्डियाले गोवा, भारतमा आयोजना गरेको ‘द फ्युचर अफ मिलिङ भिजन–२०३० एन्ड बियोन्ड’ सम्मेलनमा दुगडलाई सम्मान गरेको हो ।
भारतीय लोकसभाका सांसद प्रवीण खण्डेलवालसहित फेडेरेसन अफ रोलर्स फ्लोर मिल इन्डियाका केन्द्रीय अध्यक्षलगायतको उपस्थितिमा दुगडलाई सम्मान गरिएको हो ।
प्रत्येक पाँच वर्षमा एकपटक आयोजन हुने कार्यक्रममा भारतका ६ सयभन्दा धेरै मैदा–आटा मिल कम्पनीको सहभागिता थियो । भारतले फ्लोर मिलमा कार्यरत प्राविधिकलाई तालिमको अवसर प्रदान गर्ने घोषणा पनि सम्मेलनमा भएको थियो ।
