- वि.सं २o८१ माघ २४ बिहीबार
नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले अन्तरजातीय विवाह गर्ने जोडीलाई राज्यबाट प्रताडित गर्ने काम लज्जास्पद भएको बताएका छन्। संसद्को बिहीबारको बैठकमा बोल्दै सरकारले दलितको हक कार्यान्वयनमा सरकारको रुचि नदेखिएको बताए ।
उनले भने, ‘आज यहाँ धेरै माननीय सदस्यज्यूहरूले गम्भीर रूपमा विषय उठाउनुभयो, अदालती विवाहको प्रमाण हुँदासमेत अन्तरजातीय विवाह गरेका नागरिकमाथि राज्यका संयन्त्र परिचालन गरी प्रताडित गर्ने काम भएको छ, योभन्दा लज्जास्पद कुरा अरू के हुन सक्छ ?’
बिहीबारको संसद् बैठकमा अन्य सांसदहरूले पनि यो विषयमा गृहमन्त्री रमेश लेखकसँग जवाफ मागेका छन्।
