- वि.सं २o८१ माघ ७ सोमबार
कपिलवस्तुको बुद्धभूमि नगरपालिका–३ टाकुबाट ४३ किलो २४ ग्राम बेवारिसे गाँजा बरामद भएको छ। टाकुस्थित मर्सी गाउँमा गाँजाको अवैध ओसारपसार र कारोबार भइरहेको सूचनाका आधारमा पुगेको प्रहरीले उक्त परिमाणको गाँजा बरामद गरेको हो ।
सोमबार मर्सी जङ्गलको एउटा रुखको फेदमा प्लास्टिकका तीन बोरामा लुकाइ राखिएको अवस्थामा उक्त गाँजा फेला पारेको जिल्ला प्रहरी कार्यालय कपिलवस्तुका प्रहरी नायब उपरीक्षक (डिएसपी) मोहनमणि अधिकारीले बताए ।
गाँजाको अवैध कारोबारमा संलग्न व्यक्तिहरूमाथि अनुसन्धान जारी रहेको प्रहरीले जनाएको छ ।
