- वि.सं २o८१ पौष २१ आइतबार
नेपाली कांग्रेसका सांसद रामहरि खतिवडाले राष्ट्रपति र उपराष्ट्रपतिले कार्यकालपछि सक्रिय राजनीति गर्न नपाउने गरी संविधान संशोधन गर्न प्रस्ताव गरेका छन्।
संसद्को राज्य व्यवस्था तथा सुशासन समितिका सभापतिसमेत रहेका खतिवडाले राष्ट्रपति र उपराष्ट्रपति अरू राजकीय पदजस्तो नभएको भन्दै आइतबार सामाजिक सञ्जालमार्फत यस्तो प्रस्ताव गरेका हुन्।
‘राष्ट्रपति र उपराष्ट्रपति अरू राजकीय पदजस्तो होइन। सबै जात, जाति, धर्म र संस्कृतिलाई जोड्ने राष्ट्रिय एकताको प्रतीक हो। गणतान्त्रिक संस्थाको गरिमा र उचाइका लागि पनि राष्ट्रपति र उपराष्ट्रपति कार्यकालपछि कुनै पनि दलमा आबद्ध भएर सक्रिय राजनीति गर्न नपाउने गरी संविधान संशोधन गरौँ,’ उनले लेखेका छन्।
