- वि.सं २o८१ पौष १७ बुधबार
नेपाल नागरिक उड्डयन प्राधिकरण (क्यान)ले उड्डयन क्षेत्रमा कलम चलाउँदै आइरहेका सातजना पत्रकारलाई सम्मान गरेको छ । क्यानको २६औँ वार्षिकोत्सवमा संस्कृति, पर्यटन तथा नगारिक उड्डयनमन्त्री बद्री पाण्डेले विभिन्न मिडियामा काम गर्ने पत्रकारलाई नगदसहित सम्मानपत्र प्रदान गरेका हुन् ।
क्यानबाट सम्मानित हुने पत्रकारहरूमा नयाँ पत्रिकाकर्मी नवीन अर्याल, कान्तिपुरकर्मी सुरज कुँवर, अनलाइनखबरकर्मी अच्युत पुरी, बिजनेस न्युजकर्मी उत्तम काप्री, बिजमाण्डुकर्मी वसन्तराज उप्रेती, सेतोपाटीकी सबिना कार्की र द एभरेस्ट न्युजकी फुर्पा शेर्पा रहेका छन् ।
