- वि.सं २o८१ पौष ८ सोमबार
ललितपुरको फूलचोकीको जंगलमा हराएका १३ जना प्रहरीकाे सम्पर्कमा आएका छन्। सम्पर्कमा आएसँगै जिल्ला प्रहरी परिसर ललितपुरबाट खटिएकाे प्रहरी टोलीले उनीहरूको उद्धार गरिरहेकाे छ।
फूलचोकी डाँडामा घुम्न गएका १३ युवाले जंगलमा बाटो भुलेपछि सोमबार साँझ प्रहरीलाई फोन गरेका थिए। प्रहरीले तत्काल प्रहरी प्रभाग बाडेगाउँकी इन्स्पेक्टर अस्मिता कपालीको कमान्डमा घटनास्थलतर्फ सुरक्षाकर्मी पठाएको थियो।
प्रहरी वृत्त सातदोबाटोका प्रमुख डिएसपी चित्रबहादुर भट्टराईले हराइरहेका युवा प्रहरीको सम्पर्कमा आइसकेको बताए। उनले भने, ‘फूलचोकीको जंगलमा घुम्न गएका युवा हराएको खबर आउनासाथ उद्धारका लागि सुरक्षाकर्मी खटियो। अहिले उनीहरू प्रहरीको सम्पर्कमा आइसकेको सूचना प्राप्त भएको छ। उनीहरूको विवरण भने आइसकेको छैन।’
