- वि.सं २o८१ पौष ७ आइतबार
जलेश्वर उद्योग वाणिज्य संघको अध्यक्षमा शिवचन्द्र चौधरीको प्यानल विजयी भएको छ। शनिबार सम्पन्न मतदानबाट चौधरी अध्यक्ष विजयी भएका हुन्। उनले ४१९ मत प्राप्त गरेका छन्। उनका निकटतम प्रतिद्वन्द्वी सन्तोष्कुमार साहले ३५८ मत प्राप्त गरेका छन्।
संघको प्रथम उपाध्यक्षमा रामएकवाल साह, महासचिवमा राजकुमार पूर्वे (राजु), कोषाध्यक्षमा सन्तोष साह विजयी भएका छन्। यस्तै, सचिवमा चन्दनकुमार साह (गोनु महाजन) विजयी भएका छन्।
सदस्यहरूमा संजयकुमार गुप्ता (सन्जु), अनिलकुमार साह सोनार, रमनकुमार चौधरी, मुकेशकुमार साह, मनिभूषण ठाकुर, ओमप्रकाश साह, रोशन महासेठ, रूपेशकुमार साह र सरोजकुमार साह विजयी भएका छन् भने महिला सदस्यमा कमलादेवी कोइराला विजयी भएकी छिन्।
