- वि.सं २o८१ कार्तिक २५ आइतबार
बोलेरो जिप दुर्घटनामा परी कालीकोटमा सातजनाले ज्यान गुमाएका छन्। १८ यात्रु (चालकबाहेक) सवार जिप कालिकोटको पलाँता गाउँपालिका–३ राडुमा आइतबार दुर्घटनामा परेको हो। दुर्घटनामा ज्यान गुमाएका सात र गम्भीर घाइते १२ गरी १९ जना एकै पालिकाका हुन्।
कालीकोट प्रहरी प्रमुख डिएसपी टेकबहादुर रावतका अनुसार दुर्घटनामा परेको क १ ज ५६ नम्बरको बोलेरो जिपको सिट क्षमता नौजनाको हो। जिपले क्षमताभन्दा बढी यात्रु बोकेको र अप्ठ्यारो सडक रहेकाले दुर्घटना भएको हुन सक्ने आकलन गरिएको उनले बताए। पलाँता गाउँपालिकाको खिनदेखि थिर्पुका लागि छुटेको बोलेरो जिप सडकबाट पाँच सय मिटर तल खसेको थियो।
2024-09-18-01-30-27.gif)
2024-09-18-01-30-29.gif)
