- वि.सं २o८१ असोज १४ सोमबार
परराष्ट्रमन्त्री डा. आरजु राणा देउवाले नागरिक सुरक्षा, प्रजातन्त्र र मानवअधिकारसम्बन्धी अमेरिकी उपविदेशमन्त्री उज्रा जियासँग भेटवार्ता गरेकी छिन्।
संयुक्त राज्य अमेरिकाको वासिंटन डिसीस्थित नेपाली राजदूतावासमा सोमबार भएको भेटवार्तामा नेपाल अमेरिका आपसी हितका विविध विषयका साथै शान्ति, मानव अधिकार र प्रजातन्त्रका विषयमा कुराकानी भएको थियो।
सो भेटमा मन्त्री डा. राणाले नेपाल सदैव शान्ति, मानव अधिकार र प्रजातन्त्रका पक्षमा रहेको भन्दै नेपालको संसद्ले हालै पारित गरेको संक्रमणकालीन न्यायसम्बन्धी कानुनका बारेमा उपविदेशमन्त्री जियालाई जानकारी गराएकी थिइन्। नेपालले पीडितमैत्री सो कानुन पारित गरेको र शान्ति प्रक्रियाका बाँकी कामहरू पनि छिट्टै टुंग्याउने उनको भनाइ थियो।
संयुक्त राष्ट्रसंघीय महासभामा भाग लिन अमेरिका पुगेकी मन्त्री डा. राणा वासिंटन डिसीमा छिन्।
2024-09-18-01-30-27.gif)
2024-09-18-01-30-29.gif)
