लेबनानको हेजबुल्लाह समूहले सञ्चारका लागि प्रयोग गर्ने उपकरणको विस्फोट बुधबार पनि जारी रह्यो । मंगलबार हेजबुल्लाहका सदस्यले बोक्ने पेजर पड्किँदा १२ जनाको ज्यान गएको थियो भने झन्डै दुई हजार ८०० घाइते भएका थिए ।
बुधबार भने समूहका सदस्यले बोक्ने वाकीटकी पड्कियो । घटनामा २० जना मारिएका छन् र चार सय ४० भन्दा बढी घाइते भएको अधिकारीहरूले बताएका छन् ।
हेजबुल्लाहले इजरायललाई ‘यस आपराधिक आक्रमणका लागि पूर्ण जिम्मेवार’ ठहर्याउँदै बदला लिने वाचा गरेको छ । इजरायलले उसको नीतिअनुरूप घटनाबारे कुनै टिप्पणी गरेको छैन ।
इजरायलबाट प्रकाशित हुने मध्य–वामपन्थी पत्रिकाका ‘हारेट्ज’ अमोस हरेलले पेजर र वाकीटकी विस्फोटले ‘इजरायल र हेजबुल्लाहलाई पूर्ण रूपमा युद्धको सँघारमा’ पुर्याएको चेतावनी दिए ।