- वि.सं २o८१ श्रावण २० आइतबार
हुन्डाई फेस्टिभ डिलाइट–२०८० अफरका विजेतालाई पुरस्कारस्वरूप हुन्डाई एक्स्टर गाडी हस्तान्तरण गरिएको छ । हुन्डाईको आधिकारिक वितरक लक्ष्मी इन्टरकन्टिनेन्टलले दसैँ–तिहारको उपलक्ष्यमा ल्याएको उक्त अफरका विजेतालाई पुरस्कार हस्तान्तरण गरेको हो ।
अफरका विजेता सुनसरीका इन्द्रप्रसाद गुरागाईं रहेका छन् । उनलाई लक्ष्मी हुन्डाईका बिक्री प्रतिनिधिले नक्सालस्थित हुन्डाई सोरुममा आयोजित कार्यक्रममा पुरस्कार हस्तान्तरण गरेका हुन् ।
कम्पनीले हरेक नयाँ हुन्डाई गाडीको खरिदमा ग्राहकले ६ लाख रुपैयाँसम्मको नगद छुट र एक वर्षका लागि निःशुल्क बिमा तथा सडक कर, स्क्र्याच कार्डमार्फत एक लाखसम्मको नगद छुट र बम्पर उपहारअन्तर्गत लक्की ड्रमार्फत एकजना विजेतालाई हुन्डाई एक्स्टर जित्ने मौका दिएको थियो । ग्राहकको आवश्यकता र रुचिलाई ध्यानमा राखी हरेक वर्ष ग्राहकमुखी अफर ल्याइरहेको कम्पनीको भनाइ छ ।
