काभ्रे जिल्लाको रोसी गाउँपालिका वडा नं ४ महादेवटारमा आगलागीबाट १४ घर जलेर नष्ट भएका छन्।
जिल्ला प्रहरी कार्यालय काभ्रेका अनुसार सामुदायिक वनमा लागेको आगो बस्तीमा पस्दा १४ घर जलेर नष्ट भएको हो। आगलागीबाट मानव र पशु चौपायाको क्षति नभएको प्रहरीले जनाएको छ।
प्रहरी र स्थानीयले आगो नियन्त्रणमा लिइसकेका छन्। गाउँपालिका अध्यक्ष दिनेश लामासहित जनप्रतिनिधि, कर्मचारी, प्रहरी र स्थानीयहरू आगो निभाउन लागिपरेका थिए। थप विवरण आउन बाँकी छ।