Skip This
कैलालीको लम्की नगरपालिकास्थित चिसापानी भएर बग्ने कर्णाली नदीमाथि बनेको पुलमा गुडिरहेको ट्रकमा एक्कासि आगलागी हुँदा पुलमा समेत क्षति पुगेको छ।
वीरगन्जबाट महेन्द्रनगर आउँदै गरेकोे ना. ५ ख ५२९७ नम्बरको ट्रकमा एक्कासि आगलागी भएको हो। ट्रकमा एक करोडभन्दा बढी मूल्यबराबरको लाइटर रहेको चिसापानी प्रहरीले जनाएको छ।
ट्रकमा एक्कासि लागेको आगो फैलिँदै जाँदा पुलका लट्ठामा समेत आगो फैलिएको छ। आगो नियन्त्रणमा लिने प्रयास जारी रहेको जिल्ला प्रहरी कार्यालय कैलालीका डिएसपी कुलदीप चन्दले जानकारी दिए।
