- वि.सं २o८१ बैशाख २५ मंगलबार
लोकतान्त्रिक आदिवासी जनजाति महासंघ लुम्बिनी प्रदेश कमिटीको अधिवेशन गुल्मीमा सुरु भएको छ।
अधिवेशनको नेकपा एमालेका उपाध्यक्ष तथा पूर्वमन्त्री रामबहादुर थापा बादलले उद्घाटन गरेका हुन्। अधिवेशन आइतबारसम्म चल्नेछ।
बाल मन्दिरमा उद्घाटन गरिएको अधिवेशनको बन्दसत्रका कार्यक्रम एभरग्रिन होटेलमा तय गरिएको महासंघको लुम्बिनी प्रदेश कमिटी अध्यक्ष बालसिंह काउछाले जानकारी दिए।
काउछाका अनुसार १२ जिल्लाका एक सय ६० प्रतिनिधि सहभागी भएका छन्। अधिवेशनमा नेकपा एमालेका उपाध्यक्ष तथा पूर्वमन्त्री थापासहित स्थायी कमिटी सदस्य भानुभक्त ढकाल, आदिवासी जनजाति महासंघका केन्द्रीय इन्चार्ज गोकुल घर्ती, पोलिटब्युरो सदस्य सूर्य थापा, केन्द्रीय सदस्य दिनेश पन्थी, गणेश खनाललगायतका नेता सहभागी छन्। अधिवेशनले नयाँ नेतृत्व चयन गर्नेछ।
