- वि.सं २o८१ बैशाख १८ मंगलबार
पर्साको सखुवा प्रसौनी गाउँपालिका– २ रामभौरी टोलनजिकै एउटा बाघ मृत अवस्था फेला परेको छ।
शनिबार बिहान दीपनारायण आदर्श माविको खाली खेतमा बाघ मृत अवस्थामा फेला परेको इलाका प्रहरी कार्यालय पटेर्वा सुगौलीका प्रहरी निरीक्षक रामराजा केशरीले जानकारी दिए।
स्थानीयवासीले खेतमा बाघ मरेको अवस्थामा देखेपछि प्रहरीलाई खबर गरेका थिए। बाघ मृत अवस्थामा फेला परेको खबर सबडिभिजन कार्यालय रंगपुरमा पनि दिइएको प्रहरी निरीक्षक केशरीले बताए।
वनको कर्मचारी आएर छानबिन भएपछि आफैँ मरेको वा मारिएको हो भन्ने विषय खुल्ने केशरीले बताए।
