- वि.सं २o८१ बैशाख २० बिहीबार
नेदरल्यान्ड्सले दिएको एक सय ८५ रनको लक्ष्य पछ्याउने क्रममा नेपाली कप्तान रोहितकुमार पौडेलले अर्धशतक पूरा गरेका छन् ।
रोहितले ३५ बलमा दुई छक्का र पाँच चौकाको मद्दतमा ५० रन पूरा गरेका हुन् । टी–२० अन्तर्राष्ट्रिय करिअरमा यो उनको छैटौँ अर्धशतक हो । उनले टी–२० मा अहिलेसम्म शतक बनाउन भने सकेका छैनन् । उनको सर्वाधिक स्कोर ६१ रहेको छ । आज उनीसँग आफ्नो रेकर्ड सुधार गर्ने तथा नेपाललाई जित दिलाउने मौका छ ।
यसैबीच नेपालका सबैभन्दा विस्फोटक ब्याटर कुशल मल्ल सात बलमा ११ रन बनाएर आउट भएका छन् । उनी साइब्रान्ड एंगलब्रेक्टको बलमा तेजा निदामानुरूबाट क्याचआउट भए ।
तेस्रो विकेट गुमाउँदा नेपालले ११.२ ओभरमा ९७ रन बनाएको छ ।
