- वि.सं २o८o फाल्गुण ६ आइतबार
संगीत संयोजक तथा संगीतकर्मी साहस शाक्यले ‘दार्जिलिङको रेलै चढी’ बोलको नयाँ गीत ल्याएका छन्। शाक्यले आफ्नै शब्द, संगीत र स्वरमा रहेको गीत आफ्नै युट्युब च्यानलबाट सार्वजनिक गरेका हुन्।
सुदेश्ना इन्टरटेन्मेन्ट प्रालिको प्रस्तुति रहेको गीतमा चन्द्र चौधरीले ध्वनि सम्पादन गरेका छन्। गीतको रेकर्डिङ सुदेश्ना इन्टरटेन्मेन्ट प्रालि र अकोस्टिक नेपाल एच डी स्टुडियोमा गरिएको हो।
सन्देश थापा (चार्ली)को निर्देशनमा बनेको यो गीतको भिडियोमा सन्देश थापा, रिया क्षेत्री, विवश खत्री र रचना श्रेष्ठको अभिनय रहेको छ। क्यामरा तथा सम्पादन दिवस धितालको रहेको छ।
