संघीय संसद्का बैठकमा सांसदहरूको उपस्थिति अब वेबसाइटमार्फत सार्वजनिक गरिने भएको छ।
सोमबार बसेको कार्यव्यवस्था परामर्श समितिको बैठकले सांसदहरूको विद्युतीय हाजिरी गरी त्यसको विवरण वेबसाइटमार्फत सार्वजनिक गर्ने निर्णय गरेको हो। यसअघि विद्युतीय र रजिस्ट्रर गरेर दुवै हाजिरीको विकल्प सांसदलाई थियो।
यसैगरी बैठकले आजदेखि सुरु हुने तेस्रो अधिवेशनदेखि प्रतिनिधिसभा बैठकको कार्यतालिका लागू गर्ने निर्णय पनि गरेको छ।