- वि.सं २o८o पौष २८ शनिबार
काठमाडौंको चन्द्रागिरि नगरपालिकामा शनिबार भएको कार दुर्घटनामा चारजनाको मृत्यु भएको छ।
दिउँसो करिब २ बजे चन्द्रागिरि–४ मा काठमाडौंबाट चित्लाङतर्फ जाँदै गरेको प्र.३–०१–२३ च ६९८५ नम्बरको निजी गाडी हिमचुली सेतो पहरा भन्ने ठाउँमा दुर्घटना भएको हो।
दुर्घटनामा कारचालक डा. महेशकुमार गौतम, ६७ वर्षका ओमकारनिधि तिवारी, ६४ वर्षकी कल्पना तिवारी र ४ वर्षका प्रियान्स गौतमकाे मृत्यु भएकाे जिल्ला प्रहरी परिसर काठमाडौंका एसपी कुमोद ढुंगेलले जानकारी दिए।
दुर्घटनामा ६ वर्षीया स्मारिका गौतम गम्भीर घाइते भएको र उनकी आमा डा. सृष्टि तिवारी गौतम भने सकुशल रहेको प्रहरीले जनाएको छ।
दुर्घटना भएको कार सडकबाट करिब ६ सय मिटर तल झरेको छ।
