कोरियाली भाषा परीक्षासम्बन्धी विषयमा प्रदर्शनकारीको मागका विषयमा गम्भीर बन्न नेपाली कांग्रेसले सरकारसँग माग गरेको छ।
कांग्रेस प्रचार विभाग प्रमुख मीनबहादुर विश्वकर्माले विज्ञप्ति जारी गर्दै घटनाप्रति दुःख व्यक्त गरेका छन्।
‘घटनाको सत्य–तथ्य अध्ययन गरी यथार्थ छानबिन गर्नुका साथै घटनामा घाइते भएकाहरूको उचित उपचार गर्न र प्रदर्शनकारीले उठाएको विषयमा गम्भीर बन्न नेपाल सरकारसँग नेपाली कांग्रेस माग गर्दछ,’ विज्ञप्तिमा भनिएको छ।
साथै, आफ्ना अधिकारको विषय उठान गर्दा शान्तिपूर्ण, मर्यादित र हिंसारहित उपाय अवलम्बन गर्न प्रदर्शनकारीलाई आग्रह गर्दै सुरक्षा निकायलाई संयमित रहन अपिल गरेको छ।