- वि.सं २o८o असोज १६ मंगलबार
सिटिजन्स बैंक इन्टरनेसनल लिमिटेड र दरबारमार्गस्थित गुरु ट्राभल्स लिमिटेडबीच सिटिजन्स बैंकका ग्राहकहरूलाई विशेष छुट दिने समझदारीपत्रमा हस्ताक्षर भएको छ।
समझदारीपत्रमा हस्ताक्षरपश्चात् सिटिजन्स बैंकका कार्डबाहक ग्राहकहरूले गुरु ट्राभल्स लिमिटेडमार्फत विभिन्न अन्तर्राष्ट्रिय भ्रमण प्याकेजहरू लिँदा रु १० हजारसम्मको छुट पाउनेछन्। यसका साथै गुरु ट्राभल्सको सिफारिसमा डलर-ट्राभल्स कार्ड बनाउन आउने ग्राहकहरूलाई बैंकले कार्ड जारी शुल्कमा आकर्षक छुट दिने भएको छ।
यस किसिमको सहकार्यबाट बैंकका ग्राहकहरू लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने विश्वास बैंकले लिएको छ।
