- वि.सं २o८१ बैशाख १८ मंगलबार
सरकारले बाढीपहिरोबाट विस्थापित भएकाहरूका लागि राहत बाँड्दा स्थानीय तह एवं जिल्ला प्रशासन कार्यालयसँग सहकार्य गर्न गैरसरकारी संस्थालाई भनेको छ।
मनसुन सुरु भएसँगै ताप्लेजुङ, पाँचथर, संखुवासभा, तेह्रथुम र धनकुटामा बाढीपहिरोका घटना भएपछि समाजकल्याण परिषद्ले सामाजिक संघसंस्थालाई आफ्नो परियोजना सञ्चालन भएका कार्यक्षेत्रबाट तत्काल उद्धार र राहतमा सहयोग गर्न पनि अनुरोध गरेको छ।
परिषद्का सदस्यसचिव मनोज भट्टका अनुसार संघसंस्थाले राहतका लागि सहयोग गर्दा सम्बन्धित स्थानीय तह एवं जिल्ला प्रशासन कार्यालयसँग सहकार्य र समन्वय गर्न भनिएको छ।
