- वि.सं २o८१ बैशाख २१ शुक्रबार
संसदीय सुनुवाइ समितिमा वैधतामाथि छलफल सुरु भएको छ।
प्रस्तावित प्रधानन्यायाधीश हरिकृष्ण कार्कीविरुद्ध उजुरी हाल्ने उजुरीकर्ताले समितिको वैधतामाथि प्रश्न उठाएपछि प्रभावित बनेको छलफल दुई पक्षको सहमतिपछि सुरु भएको हो।
समितिले सुरुमा २० जना उजुरीकर्तालाई मात्र भित्र बोलाएपछि बाहिर रहेका उजुरीकर्ताले होहल्ला गरेका थिए। थप मर्यादापालक प्रवेश गराएर बाहिर रहेका उजुरीकर्तालाई बैठककक्षमा प्रवेश गराएपछि अहिले समितिको वैधतामाथि छलफल जारी छ।
समितिले आज प्रस्तावित कार्कीविरुद्ध उजुरी दिएका उजुरीकर्ताहरूसँग छलफलका लागि बोलाएको थियो। बिहीबार कार्कीको संसदीय सुनुवाइ हुँदै छ। कार्कीविरुद्ध २९ वटा उजुरी परेका छन्।
