१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८o जेठ १९ शुक्रबार
  • Tuesday, 25 June, 2024
नयाँ पत्रिका काठमाडौं
२o८o जेठ १९ शुक्रबार o७:१८:oo
Read Time : < 1 मिनेट
ad
ad
ad
ad
समाचार प्रिन्ट संस्करण

सातै प्रदेशमा गोताखोर राख्ने सशस्त्र प्रहरीको तयारी

Read Time : < 1 मिनेट
नयाँ पत्रिका, काठमाडौं
नयाँ पत्रिका
२o८o जेठ १९ शुक्रबार o७:१८:oo

विपतमा उद्धार प्रभावकारी बनाउन सशस्त्र प्रहरी बलले सातै प्रदेशमा गोताखोर टोली खटाउने तयारी थालेको छ । यसका लागि सशस्त्रले तालिमलाई तीव्रता दिएको छ भने स्रोत–साधनका लागि गृह मन्त्रालयलाई आग्रह गरेको छ ।

बिहीबार विपत् व्यवस्थापन तालिम शिक्षालय कुरिनटारमा आयोजित गोताखोर तालिमको समापनमा सशस्त्र प्रहरी महानिरीक्षक राजु अर्यालले तालिम र स्रोत–साधन बढाएर सबै प्रदेशमा एक–एकवटा टिम खटाउने योजना रहेको बताए । 

पछिल्लोपटक २० जना प्रहरीले गोताखोर तालिम लिएका छन् । जसमा एकजना नेपाल प्रहरीका कर्मचारी पनि छन् । नेपाल प्रहरीका कर्मचारीले गोताखोर तालिम लिएको पहिलोपटक हो । पानीको गहिराइमा पुगेर उद्धार गर्नुपर्ने भएकाले गोताखोर तालिम निकै चुनौतीपूर्ण मानिन्छ । 

बिहीबार १९ जना थपिएसँगै सशस्त्र प्रहरीमा गोताखोरको संख्या ७४ पुगेको छ । संख्या थपिएसँग उद्धार थप प्रभावकारी हुने सशस्त्र प्रहरी अधिकारी बताउँछन् । जनशक्ति बढ्दै गए पनि गोताखोरका लागि आवश्यक स्रोत–साधन पर्याप्य नहुँदा देशैभरि विस्तार गर्न नसकिएको उनीहरू बताउँछन् । हाल कुरिनटार, काठमाडौं, पोखरालगायत ठाउँमा गोताखोर खटाइएको छ । छुट्टै टिमकै रूपमा परिचालन हुन सकेको छैन । 

ad
ad
ad
ad