- वि.सं २o८o जेठ ९ मंगलबार
दुवै खुट्टा नभएर पनि विश्वको सर्वोच्च शिखर सगरमाथा आरोहण गरेका हरि बुढामगरलाई काठमाडौंमा भव्य स्वागत गरिएको छ।
पूर्वगोरखा सैनिकसमेत रहेका आरोही बुढामगरलाई त्रिभुवन विमानस्थलमा संस्कृति, पर्यटन तथा नागरिक उड्डयनमन्त्री सुदन किराँतीलगायतले स्वागत गरेका हुन्।
सन् २०१० मा अफगानिस्तानको लडाइँमा बुढामगरले दुवै खुट्टा गुमाएका थिए। घुँडाभन्दा तल दुवै खुट्टा गुमाउने र कृत्रिम खुट्टाको सहारामा सगरमाथा आरोहण गर्ने उनी पहिलो व्यक्ति हुन्।
