शिक्षा परामर्शदाता अल्फा–बिटाले माध्यमिक शिक्षा परीक्षा (एसइई) सकेका विद्यार्थी र नेपालका शीर्ष कलेजमा उच्च शिक्षा हासिल गर्ने योजनामा रहेका विद्यार्थीका लागि ब्रिज कोर्स कार्यक्रम सुरु गरेको छ । संस्थाले नेपालका उत्कृष्ट कलेजले सञ्चालन गर्ने कठिन प्रवेश परीक्षाका लागि विद्यार्थीलाई तयार पार्ने गरी डिजाइन गरिएको कार्यक्रम सुरु गरेको हो ।

यो कार्यक्रम १० हप्ताको प्रवेश तयारी कक्षा रहेको र यसले विद्यार्थीलाई उनीहरूको शैक्षिक सीप बढाउन र कलेज प्रवेश परीक्षाका लागि तयारी गर्ने अवसर प्रदान गर्ने संस्थाको दाबी छ । विद्यार्थीले तीन फरक पाठ्यक्रमबाट छनोट गर्न सक्ने जनाइएको छ ।

जसअनुसार सेन्ट जेभियर्स इन्ट्रान्स प्रिपरेसन कोर्स, एड्भान्स साइन्स कोर्स र एड्भान्स मेनेजमेन्ट कोर्स रहेको उल्लेख छ । कार्यक्रम दिनभरमा चार फरक समयमा सञ्चालन हुने संस्थाले जनाएको छ । कार्यक्रममा भर्ना हुने पहिलो एक सय विद्यार्थीका लागि ३० प्रतिशत छात्रवृत्ति प्रदान गरिएको संस्थाका सिइओ द्विराज शर्माले बताए ।