Skip This
नेपाल पत्रकार महासंघको स्थापना दिवसको अवसरमा पत्रकारहरूको नि:शुल्क आँखा जाँच गरिएको छ । विभिन्न आँखा अस्पतालसँगको सहकार्यमा पत्रकार महासंघ र यसका शाखाहरूले नि:शुल्क आँखा जाँच गर्ने व्यवस्था मिलाएका हुन् ।
त्रिभुवन विश्वविद्यालय–नेपाल नेत्रज्योति संघ कीर्तिपुर आँखा अस्पताल तथा अध्ययन केन्द्रको सहायतामा महासंघको केन्द्रीय कार्यालयमा आयोजित आँखा शिविरमा दुई सय ५० जनाले आँखा परीक्षण गराएका छन् ।
त्यसमध्ये आँखामा समस्या भएका करिब ६० जनालाई चस्मा वितरण गरिएको छ । त्यसबाहेक थप समस्या भएकालाई अस्पतालमा फलोअप गर्ने व्यवस्था गरिएको महासंघले जनाएको छ । सामान्य समस्या देखिएकालाई आँखामा राख्ने औषधिसमेत वितरण भएको महासंघका महासचिव रोशन पुरीले जानकारी दिए ।
