कुमारी बैंक लिमिटेडका ग्राहकले ल्यान्डमार्क होटेल एन्ड रिसोर्टमा सेवा लिएबापत छुट पाउने भएका छन् । बैंकका ग्राहकलाई छुट दिने विषयमा बैंक र रिसोर्टबीच समझदारी भएको हो ।
डिजिटल कारोबारमा ग्राहक आकर्षित भइरहेकोे अवस्थालाई ध्यान दिँदै आफ्ना ग्राहकलाई डिजिटल कारोबारमा प्रोत्साहन गर्नका निमित्त बैंकले रिसोर्टका काठमाडौं, चितवन र पोखराका शाखाहरूमा छुटको व्यवस्था गरेको जनाएको छ ।
समझदारीअनुसार कुमारी बैंकका डेबिट–क्रेडिट कार्डवाहक ग्राहक तथा मोबाइल बैंकिङ प्रयोगकर्ताले ल्यान्डमार्क होटेल एन्ड रिसोर्टबाट लजिङ र फुडिङ शुल्कमा १० प्रतिशतसम्मको छुट प्राप्त गर्न सक्ने जनाइएको छ । बैंकले हाल देशभरमा तीन सय चार शाखा, दुई सय ९४ एटिएम, ६२ शाखारहित बैंकिङ इकाइ तथा ४९ एक्सटेन्सन काउन्टरमार्फत सेवा दिइरहेको जनाएको छ ।