- वि.सं २o७९ मङ्सिर १० शनिबार
दुई ओटा प्रदेश सभा सदस्य निर्वाचन क्षेत्र रहेको मुगुमा नेकपा एमाले र माओवादी केन्द्रले एक–एक क्षेत्र जितेका छन्। प्रदेश सभा (क)मा एमालेका जिल्ला अध्यक्ष जीतबहादुर मल्ल र प्रदेश सभा (ख)मा गठबन्धनबाट माओवादी केन्द्रका जिल्ला इन्चार्ज मंगलबहादुर शाही विजयी भएका हुन्।
छायॉनाथ रारा नगरपालिका र मुगुम कार्मारोङ गाउँपालिका पर्ने प्रदेश (क)मा एमालेका मल्लले ६ हजार ६१८ मत ल्याउँदा उनका प्रतिस्पर्धी एकीकृत समाजवादीका गोपालबहादुर बमले ५ हजार ५४५ मत प्राप्त गरेका छन्। १ हजार ७३ मत अन्तरले मल्ल निर्वाचित भएका हुन्।
त्यसैगरी प्रदेश सभा (ख)मा माओवादी केन्द्रका मंगलबहादुर शाही ८ हजार ४२९ मतसहित निर्वाचित हुँदा एमालेका कर्णबहादुर मल्लले ४ हजार ८८४ मत प्राप्त गरेका छन्। १३ हजार ८८१ मत खसेको यो क्षेत्रमा सोरु र खत्याड गाउँपालिका रहेका छ्न्।
