- वि.सं २o७९ मङ्सिर ५ सोमबार
हिमाली जिल्ला मनाङबाट प्रतिनिधिसभा सदस्यमा कांग्रेसका टेकबहादुर गुरुङ निर्वाचित भएका छन् ।
गुरुङ ३ सय २८ मतान्तरले एमालेका पोल्देन छोपाङ गुरुङलाई हराउँदै निर्वाचित भएका हुन् । कांग्रेसका गुरुङले २ हजार ५ सय ७५ मत ल्याए। एमालेका गुरुङले २ हजार २ सय ४७ मत ल्याएको मुख्य निर्वाचन अधिकृतको कार्यालयले जनाएको छ ।
यसअघि प्रदेश सभा ‘क’ मा नेपाली कांग्रेसका मुनिन्द्रजङ गुरुङ निर्वाचित भइसकेका छन् । यस्तै, प्रदेश सभा ‘ख’ मा स्ततन्त्र उम्मेदवार राजिव गुरुङ (दिपक मनाङे) निर्विरोध भएका थिए ।
कूल मतदाता ६ हजार ७ सय ७९ रहेको मनाङमा ४ हजार ८ सय ४५ मत खसेको थियोे जुन ७१ दशमलब ४७ प्रतिशत मत हो ।
